Универсал шанақтағы AUDI E концептісі қазіргі Audi топтамасынан бас әріппен жазылған атауымен, фирмалық төрт сақинасы жоқ эмблемасымен ерекшеленеді.
Ірі бес есікті көліктің өлшемдері — 4870×1990×1460 мм, ал дөңгелек базасы — 2950 мм. Ағаш және микрофибрамен әрленген салонында физикалық батырмалар жоқ, бірақ алдыңғы панельді алып жатқан үлкен планшетпен жабдықталған. Ол бірнеше экраннан тұрады, соның ішінде артқы көрініс айнасын алмастыратын камера да бар.
Барлық болашақ AUDI немістер мен SAIC бірлесіп әзірлеген 800 вольттық ADP платформасына негізделеді. SAIC Volkswagen-нің ұзақ уақыт бірлесіп жұмыс істеп келе жатқан басты серіктесі.
E концептісі пневматикалық элементтермен және бұрылатын артқы дөңгелектермен жабдықталған. Автомобиль жалпы қуаты 775 ат күшін (800 Нм) құрайтын екі моторлы күштік құрылымға және толық жетек жүйесіне ие. Жүріс қоры 700 шақырымға жетеді, ал батареясын 10 минутта 370 км-ге жететіндей қуаттауға болады.
AUDI E-нің сериялық нұсқасы 2025 жылдың жазында жарық көреді, 2027 жылға дейін топтамаға екі модель қосылады. AUDI тек Қытайда жасалады және сатылады.
Комментариев: 0