Audi Q9 Қазақстанда саудаға шығады

Шілдеде тұсаукесері өткен Q9 (Audi-дің қазіргі ең үлкен SUV-і) біздің елде ресми сатылады. Машинаға биыл жыл аяғына қарай алдын ала тапсырыс беруге болады, клиенттердің қолына 2027 жылдың алғашқы жартысында тиеді.

Бренд Q9-дың алдымен 2.9 литрлік V6 TFSI бензинді моторымен (299 а.к.; 630 Нм) жүретін Advanced және S line түрленімін ұсынады. Кейін қатарға 591 ат күшіне ие (800 Нм) 4 литрлік V8 TFSI бензинді моторы бар қуатты SQ9 нұсқасы қосылады.

1 / 5

• 
• 
• 
• 
• 

1 / 5

Audi Q9 Қазақстанда қанша тұратынын кейінірек білеміз. Германияда модельдің 3 литрлік V6 TDI турбодизельмен жүретін нұсқасының бағасы 108 400 еуродан басталады, ал АҚШ-та V6 TFSI бензинді моторы бар базалық түрленімін 89 095 долларға алуға болады.

1 / 5

• 
• 
• 
• 
• 

1 / 5

Audi Q9 дәстүрлі мотормен жүретін толық өлшемді люкс кроссовер сегментінде BMW X7 мен Mercedes-Benz GLS-ке бәсекелес болады. Q9 үшінші қатарда отырғандарға да өте жайлы кең салоны, электр жетекті ақылды автоматты есігі, алдыңғы панельдегі үш экраны және панорамалы шатырымен мақтанады. Ал толық басқарылатын шассидің арқасында алып машинаны тұраққа қою оңай.