Купе пішінді Audi Q8, Audi Q3 Sportback және e-tron Sportback қатарына Q5 Sportback қосылды. Ол Mercedes-Benz GLC Coupe және BMW X4-пен бәсекелеседі. Техникалық жағынан машинаның Q5-тен айырмашылығы жоқ. Мотор гаммасында 204-тен 304 ат күшіне дейін беретін бензинді және дизельді қарапайым да, күшейтілген де агрегаттар мен толыққанды plug-in технологиясына ие TFSI бар. Мамандар механикадан арылып, орнына робот пен автомат орнатыпты.
Q5 Sportback-тың базалық дизельді нұсқасы алдыңғы жетекті, ал 4 цилиндрлі машиналар артқы дөңгелектерді қосатын муфтасы бар quattro ultra трансмиссиясымен, 6 цилиндрлі көліктер quattro-мен жабдықталады.
Машиналардың бәріне спорттық аспа орнатылады, дегенмен біраз ақша жұмсап, бейімді пневматикамен толықтыруға болады. Сонымен қатар, құрылғылар тізімінде рөлдегі беріліс қатынасын жолдағы жағдайға қарай өзгерте алатын рөлді қарқынды басқару жүйесі бар.
Sportback салонында дауыс арқылы басқарылатын және 10 дюймдік сенсорлы экраны бар MIB 3 ақпараттық ойын-сауық жүйесі көзге түседі. Жүксалғыш көлемі 510 л.
Қазақстанда «қарапайым» Audi Q5-тің бағасы 24 млн теңгеден басталады. Ал Sportback тек келесі жылдың күзінде келуі мүмкін.
Комментариев: 0