3 қыркүйекке қараған түні таныстырылған Audi Grandsphere марканың «сфералық» прототиптер тотпамасының жалғасы: алдыңғы айда Skysphere жұрт назарына ұсынылды, сәл кейін Urbansphere жарық көреді.
Grandsphere — артқы есігі кері ашылатын ірі (ұзындығы — 5.3 м, ені — 2 м, биіктігі — 1.39 м, дөңгелек базасы — 3.19 м) машина. Оған жалпы 721 ат күшін беретін екі электромотор орнатылған. Алғашқы жүздікті 4 секундта алатын көліктің жүріс қоры 750 шақырымға жетеді.
Кескіні оғаштау көрінетін Grandsphere-дің өндірісі 2025 жылы басталады, сондықтан ол Audi мен Porsche инженерлері бірігіп әзірлеген PPE платформасына негізделген. Демек ол EQS пен Taycan-ның екінші буынына бәсекелес болады.
Салонға толыққанды диван қойылса да, жайлылық жағынан басымдық жүргізуші мен алдыңғы жолаушыға беріледі. Адам көлікті өзі басқара алады немесе бұл міндетті автопилотқа жүктеуге болады. Автономды режимде басқару органдары ішке қарай кіреді де, жүргізушінің басқа іспен айналысуына мүмкіндік береді, алдыңғы орындықтардың 180 градусқа бұрылатынын ескерсек, жолаушымен бетпе-бет сөйлесуге де мүмкіндік бар.
Grandsphere салонында көз үйренген әйнек экран жоқ, деректің бәрі ашық түсті ағашпен қапталған панельдерден көрінеді. Ортаңғы консольдегі жеңіл алынатын контейнерде тұрған өсімдік табиғатқа сүйіспеншіліктің көрінісіндей. Сатылатын аймаққа байланысты гүл орнына нақты өңір үшін үйреншікті және пайдалы дүние қойылатын сияқты. Бірақ ол жайлы тек бес жылдан кейін білеміз.
Комментариев: 0