Атырау мұнай өңдеу зауыты Қазақстандағы ірі өндіріс орындарының алғашқысы болып экологиялық класы К5 (Еуро-5-тің баламасы) АИ-92 бензинін шығара бастады. «ҚазМұнайГаз» ұлттық компаниясы бұнда К4 класына жататын отынға қарағанда күкіртті мұнай қосылыстары бес есе аз деп мәлімдеді.
K5 класты бензин қазіргі автомобильдердің қуаттау жүйесіне оң әсер етеді және көліктен шыққан газдың экологияға зиянын азайтады екен. Атыраудағы зауыт жоспар бойынша тәулігіне шамамен 5.5 мың тонна автобензин өндіреді.
Қазақстанда К5-ті алғаш рет жеті жыл бұрын Ақсай қаласында шығарған. Ал 2017 жылы Шымкенттегі мұнай өңдейтін зауыт жөндеу жүргізіп, осыған ұқсас бензин шығаруға уәде берген, бірақ әзірге ешқандай нәтиже жоқ.
Комментариев: 0