Каладағы камералардың біріне жазылған видеодан ақ түсті Toyota Camry-дің көше қиылысында солға бұрылып, жол жиегінде тұрған екі ер адамның қасынан өтіп бара жатқаны байқалады. Сол сәтте жаяу жүргіншілердің бірі көлікке қарай секіріп, капотқа соғылады да, шетке ауып түседі. Екіншісі тоқтаған машинаның оң жақтағы есігін ашады. Шамасы шу шығармақ болса керек. Сәл кейін оған «зардап шеккен» азамат қосылады. Camry жүргізушісі көліктен шыққан кезде, өкінішке орай, видео үзілді.
«Ак Жайык» басылымы хабарлағандай, жергілікті полиция департаменті «зардап шеккен» адамды анықтады. Ол 38 жастағы Құрманғазы ауданының тұрғыны екен. Жақсы секіретін жігіт Әкімшілік кодекстің 615-бабы бойынша 2 АЕК мөлшерінде айыппұл төлейді.
Қалай ойлайсыздар, бұл әділетті жаза ма?
Комментариев: 0