Атырау — Доссор — Бейнеу — Ақжігіт — Өзбекстан шекарасы тас жолында ашық төлем енгізу мәселесіне қатысты қоғамдық талқылауда QazAvtoJol ҰК АҚ Атырау облысы арқылы өтетін тас жолды кеңейтуге уәде берді. Жергілікті тұрғындар жүргін жол тым тар болғандықтан мұнда апат тым жиі болатынын айтып шағымданған. Бұған жауап берген жол мамандары болашақта тас жолдың төрт жолақты болатынын хабарлады.
Олардың сөзінше, жөндеу жүргізілген соң жол ақылы режимге көшеді. Әзірше тек жүк көліктері үшін ақылы болады. Төлем сомасы әлі де талқыланып жатыр.
Тыңдалым нәтижесінде мына ұсыныстарды қабылдау жөнінде шешім қабылданды:
- Атырау — Доссор — Бейнеу — Ақжігіт — Өзбекстан шекарасы тас жолын төрт жолақты ету.
- Жолға жүк көліктерін жуатын орындар жасау, жарық беретін бағаналар, қоршау және мобильді байланыс пен интернетке арналған құрылғыларды орнату.
- Коммуналды мекемелер мен жергілікті тұрғындарға тиесілі салмағы 5 тоннаға дейінгі жүк көліктері үшін жеңілдік беретін абонемент енгізу.
- Төрт түлік үшін жарыққа шағылысатын белгі жасап, халыққа тарату.
Еске сала кетейік, биыл көктемде Қазақстанда 18 республикалық жол бөлігі ақылы режимге көшеді. Жүргізушілер RFID-таңбалар арқылы төлем жасайды. Жол ақысы әлі талқыланып жатыр. Kolesa.kz.қосымшасының көмегімен жол ақысын екі есе арзан төлеуге мүмкіндік бар.
Комментариев: 0