«Атомға» 105 мыңнан аса алдын ала тапсырыс түсті

«Атом» электромобилін алсақ дегендер берген өтінім саны 105 мыңнан асты деп хабарлады «Татар-информ». Тапсырыс қабылдау былтыр тамызда басталған, алдымен жеке тұлғалардан 36 мың тапсырыс түсті, содан кейін заңды тұлғалар (каршеринг, такси және жеткізу компаниялары) машина алуға ниет танытты.

Марканың маркетинг және коммуникация жөніндегі директоры Иван Соломин көп өтініш Мәскеу мен Санкт-Петербургтен түскенін айтты, сондай-ақ Қазан, Набережные Челны, Новосибирск, Краснодар, Владивосток және Ростов тұрғындары тапсырыс берген.

Тапсырыс беру үшін 7 000 рубль алдын ала төлем жасау керек, демек клиенттер компанияға аванс ретінде 735 млн рубль (8 млн АҚШ доллары) аударды деп жазды «Автопоток» телеграм-арнасы. Бұл қаржы жұмсалмай, депозитте тұрады.

«Атом» өндірісі 2025 жылы жазда басталады. Бағасы кем дегенде 2.5 млн рубль болады.