Ресейдің экономиканы дамыту министрінің орынбасары Дмитрий Вольвач «Кама» компаниясының «Атом» электромобилі Өзбекстанда жасалады деп мәлімдеді. Бұл ақпаратты таратқан «Вечерняя Казань» басылымы «Атомды» «татарстандық электрокар» деп атапты.
Шендінің айтуынша өзбектер «Атомды» бастапқыда ірі торапты әдіспен шығаруға, кейін толықтай өз елінде өндіруге ниетті.
Өндіріс екі жылдан кейін басталатынына қарамастан, Ресей тұрғындары арасында машинаға сұраныс жоғары екені байқалады. Өйткені компания қазірдің өзінде 36 мың алдын ала тапсырыс қабылдаған.
Комментариев: 0