Мәскеу қалалық көлік және жол-көлік инфрақұрылымын дамыту департаменті хабарлағандай, жүйе пилоттық режимде жұмыс істей бастады. Жоба аясында Зеленоградтағы Генерал Алексеев даңғылы мен Конструктор Гуськов көшесінің қиылысында асфальт астына сезгектер орнатылып, өтіп бара жатқан машинаның жылдамдығы өлшенеді. Егер жылдамдық шегінен асып кетсе, электроника жақын маңдағы бағдаршамға сигнал береді, сөйтіп асығыс жүргізушіні қиылыста қызыл шырақ күтіп тұрады.
Шенділер жаңа техника жолдағы қауіпсіздік мәселесін жақсартады деп үміттеніп отыр. Егер бұл тәжірибе жақсы нәтиже көрсетсе, Мәскеу облысының өзге аудандарында және Ресей астанасында осындай «ақылды» бағдаршам қойылуы мүмкін.
Бірақ жол қызметкерлері ұсынған видеоға қарағанда, жобаның күмәнді тұстары бар секілді. Ең бастысы — бір жүргізуші жылдамдықты асырса, бағдаршамның қызыл түсі не үшін сол бағыттағы барлық машинаны тоқтатуы керек? Сонда бір ереже бұзушының кесірінен заңға бағынатын өзге азаматтар уақытын жоғалтуы керек пе?
Комментариев: 0