Әлеуметтік желіде Асы үстіртіндегі обсерваторияның қоршалып тұрған суреттері тарап кетті.
«Бәріңе сәлем! Асы үстіртіндегі тұрақтайтын орын жабық тұр. Бәрін қоршап, кіруге тыйым салынған деген белгі іліп қойыпты. Әжетханаларды да алып тастаған. Бұған не себеп болғаны белгісіз, бірақ обсерваторияны ретке келтіруге кіріскен сияқты. Реновация мен жөндеу жұмыстарын жасайтын шығар», — деп туристер жарыса жазған.
Қорық аймағында не себепті аяқ астынан қоршау пайда болғанын Kolesa.kz тілшілері Іле Алатауы ұлттық паркі қызметкерлерінен анықтауға тырысты. Орман күзеті обсерватория олардың жермен шекаралас болғанымен, ұлттық паркке ешқандай қатысы жоқ деді. Ал Еңбекшіқазақ ауданы әкімдігі жұлдыз санаушылар қоршауды өздері орнатыпты деп түсініктеме берді.
«Обсерваторияның жалпы аумағы — 15 гектар. Бұл жеке аймақ болғандықтан, иелері оны қоршауға құқылы, бірақ жалпы қолданыстағы ортақ жер ашық тұр деді» әкімдік өкілдері.
Бұдан былай туристерге демалу және түнеу үшін басқа орын іздеуге тура келеді.
Комментариев: 0