Бүгін, 2 шілдеден бастап 4 шілдеге дейін Астана, Алматы, Қарағанды және Көкшетаудағы саммит өтетін жерде террористік қауіптің орташа («сары») деңгейі белгіленеді.
«Сары» деңгей кезінде тұрғындарға Мәңгілік Ел даңғылы, Достық, Түркістан, Қонаев көшелері мен Қабанбай батыр даңғылы бойындағы тұрғын үй кешендерінің жанындағы тұрақтарды пайдалануға тыйым салынады«, — деп хабарлады елорда әкімдігі. Көлікті аула ішіне немесе осы көшелерге параллель немесе іргелес көшелерге қоюға болады.
Көлік қозғалысы мына жолдарда уақытша шектеледі:
3 шілдеде Бөкейхан көшесінің Керей-Жәнібек хандар көшесінен Сығанақ көпіріне дейінгі бөлігінде
4 шілдеде Нәжімеденов көшесінің Тәуелсіздіктен Аманжолов көшесіне дейін, Аманжоловтан Байтұрсынов көшесіне дейін және Байтұрсыновтан Тәуелсіздік көшесіне дейінгі аралығында
Осы күндері аталған көшелермен қоғамдық көлік те жүрмейді. Тұрғындарға балама маршрут ұсынылады, олар CTS әлеуметтік желісінде жарияланады.
Анықтама ретінде:
Қауіптің «сары» деңгейі дегеніміз:
- белгілі бір аумақта көлік құралы мен жаяу жүргіншінің қозғалысын шектеу;
- көшеде, алаңда, стадионда, саябақта, паркте, магистральді теміржол желісінде, теміржол вокзалында, автовокзалда, әуежайда, метрода, қоғамдық және бұқаралық
іс-шаралар өтетін жерде кинологиялық қызмет мамандарын тарта отырып патрульдеуді күшейту; - жарылғыш затты анықтау және залалсыздандыру үшін террористік тұрғыдан осал нысандарды және адамдар көп жиналатын орындарды, қоғамдық және бұқаралық
іс-шараға қатысатындардың негізгі қозғалыс бағыттарын тексеру; - әуежайда, метрода, теміржол вокзалында және автовокзалда тексерген кезде арнайы техникалық құралдарды пайдалана отырып, режимдік шараларды күшейту.
Комментариев: 0