Астана қаласы мәслихатының құқықтық тәртіп және қоғаммен байланыс жөніндегі тұрақты комиссиясының отырысы өтті, онда елордаға кіреберіске блокбекет орнату туралы ұсыныс айтылды. Бұл туралы комиссия төрағасы Азамат Айтхожин мәлімдеді деп хабарлады Tengrinews.kz.
Мамандар Астанаға сапасыз өнім кіргізбеу және көші-қонды тежеу үшін қалаға кіреберісте бақылау орнату қажет деп санайды.
— Қалаға таза емес ет кіргенін бірнеше рет көтердік. Елордаға есірткі де кіріп жатыр.
Сондай-ақ оңтүстік өңірден адамдар келіп жатыр, біз олардың кім екенін білмейміз. Қаламызғакіріп-шығатын жерге блокпост қою туралы ешкім айтпайды. Бұл мәселені көтеретін кез келді, — деп келтірді Айтхожинның сөзін Tengrinews.kz порталы.
Полиция департаменті бұл мәселе қаралып жатқанын, блокпостар шынымен қойылуы мүмкін екенін айтты. Бұл ұсынысты ішкі істер министрі де естіпті.
Комментариев: 0