Өткен демалыста Ақмола, Қарағанды облыстарын қар басып қалды. Елорда әкімдігі берген мәлімет бойынша боран соғып, көктайғақ болғандықтан көлік қозғалысы баяулап, автобустар уақытынан кешігіп жатыр, ал кейбір көшемен тіпті жүру мүмкін емес. Бір тәулікте бас шаһарда 144 апат болған, өйткені көп жүргізуші көктем келді деп дөңгелек ауыстырып алыпты.
«Қазавтожол» Ақмола, Қарағанды облыстарындағы 15 республикалық трассада машина қозғалысы шектелгенін ескертті. 500 арнайы техника жол тазалап жатыр. Өткен тәулікте мамандар 65 машинаны қар құрсауынан шығарған.
Солтүстік Қазақстанда жексенбі күні Челябинск — Новосібір тас жолының Заречный ауылына жақын маңдағы бөлігін су басты. Қазір ол жер жабық, жеңіл көліктер Петропавлды айналып өтіп жатыр. Ал жүк көліктері Петерфельд — Архангельское — Новокаменка тас жолы арқылы өтеді.
Комментариев: 0