2018 жылдың желтоқсан айынан бастап Денсаулық сақтау министрлігі елордада «Жасыл бағдаршам» жобасын іске қосқан еді, ал бүгін осы аралықтағы көрсеткіштермен бөлісті.
Жүйенің жұмысы өте қарапайым. Елордалық «ақылды» бағдаршамдардың жүйесіне GPS арқылы асығыс кетіп бара жатқан медициналық көліктерді «көретін» модуль орнатылған. Соның арқасында, көлік бұрылыстан өткенде бағдаршамдар жасыл түсін қосады. Аталған жүйе шақыртудың бірінші және екінші санатында, яғни науқастың өміріне тікелей қауіп төнген жағдайда ғана іске қосылады.
Осы уақытқа дейін мұндай жағдайлар бойынша 40 шақырту алған жедел жәрдем қызметінің қозғалыс жылдамдығы 9 %-ға артыпты. Жүйе өз тиімділігін көрсеткенде Денсаулық сақтау министрлігінің жаңалықты Алматыға да енгізуіне мүмкіндік туады.
Комментариев: 0