Оқиға Гёте көшесіндегі көп қабатты үйдің ауласында болды. Нұр-Сұлтан қаласы ПД баспасөз қызметі хабарлағандай, көлігін кешке үй маңына қойып кеткен ВАЗ-2110 иесі нөмір ұрланғанын таңертең білген. Сарыарқа ауданындағы криминалды полиция қызметкерлері ауладағы және жақын маңдағы камералардың жазбасын қарап, ұрыны Дулатов көшесінен табады. Ұсталған 27 жастағы ер адам елорда тұрғыны екен, ол түнде көліктің бампері мен нөмірін шешіп алып, үйіне апарып қойған.
Айта кетерлігі, ол бұрын да ұрлық үшін істі болыпты, сондықтан бұл жолы темір торда ұзағырақ отыратын сияқты. Ал бампер мен мемлекеттік нөмір иесіне қайтарылды.
Комментариев: 0