Әлеуметтік желіде екі апта бұрын астанаға кіреберісте ковид кезіндегідей бетон блоктар орнатып жатыр деген ақпарат тарады. Сол сәттен бастап бірнеше жылға тынышталған полиция бекеттері қайта жанданып, Астанаға бағыт алған көліктерді тоқтата бастады.
Ішкі істер министрлігінің баспасөз қызметі патрульдер «Құқықтық тәртіп» шарасы аясында жұмыс істеп жатқанын айтты.
Қаланы бойлай Қарағанды, Қосшы, Көкшетау, Павлодар, Қорғалжын, Тайтөбе, Балқарағай және Астраханка жолдарында сегіз стационарлық «Рубеж» полиция бекеті орнатылған.
Тәртіп сақшылары елордаға кіру және шығу бойынша шектеу жоқ екенін атап өтті. Олар тек азаматтардың және көліктердің құжатын, машинада тыйым салынған зат бар-жоғын тексереді.
Комментариев: 0