Астанада мамандандырылған ХҚКО мен полиция қызметкерлері көлікті заңсыз тіркегені үшін түрмеге қамалды

Елордадағы соттардың бірыңғай баспасөз қызметі хабарлағандай, қылмыстық топ 2021 жылдың желтоқсаны мен 2022 жылдың мамыры аралығында шетелден әкелінген 312 автокөлік үшін қажетті алымдар мен төлемдерді төлемей тіркеген. Мамандандырылған халыққа қызмет көрсету орталықтарының қызметкерлері мен полицейлер 73 оң рөлді көлікті тіркеп, 73-іне құжат рәсімдеген.

Тәртіп сақшыларының айтуынша, тергеу ұйымдасқан қылмыстық топтың үш жетекшісі қызмет бабын пайдаланып қылмыстық топ құрғанын анықтаған. Бесеуі көптеген мәмілеге қатысып, өз қаражатын қосқан, 17 делдал көліктерді тіркеумен, телеграм чаттарда көлік құжаттарын сатып алумен және қайта сатумен айналысты. Айыптау қорытындысында көрсетілгендей, полиция қызметкерлері «алдау немесе сенімді теріс пайдалану арқылы мүліктік зардап келтіріп, ұрлық белгілері болмай елеулі зиян келтіріп, қызмет орнын пайдаланып қиянат етті».

Нәтижесінде топтың үш басшысы кінәлі деп танылып, тоғыз жылға бас бостандығынан айырылды. Бес көмекшісі алты жылға отырды. Үш делдал алты айдан екі жарым жылға дейінгі мерзімге түрмеге қамалды, тағы 14-і екі жарым жылға бас бостандығынан айырылды. Төрт полицей 3 жыл 6 айға колонияға отырса, үшеуі екі жарым жылға қамалды.

Кейбір сотталушылардың баласы болғандықтан және «қылмыстық құқық бұзушылықты ашуға белсенді түрде ықпал еткендіктен» жазасы жеңілдегенін бірыңғай баспасөз қызметі мәлімдеді.

Үкім заңды күшіне енген жоқ және шағым жасауға болады.