Елордадағы практикалық емтиханда болған қызық жағдайды Telegram-дағы Astanovka98 паблигі жариялады.
«Астанадағы арнайы ХҚКО-да адамдар А/А1 категориясындағы жүргізуші куәлігін алу үшін мотоциклді осылай итеріп емтихан тапсырып жатыр. Оқырманның айтуынша техника үнемі істен шығады: мотоциклдер оталмайды, скутерлерде аккумулятор жоқ, ал нұсқаушылар көмектесе алмайды. Адамдар басқа қалалардан келеді, таңғы 9-дан кешкі 7-ге дейін күннің астында тұрады. Ақырында көліктердегі ақауға байланысты үйлеріне қайтуға мәжбүр. Орталық бәрін келесі аптаға қайта шақырыпты. Бұл мәселе бұрыннан бері бар екен», — делінген видео сипаттамасында.
Халық мынадай пікір жазыпты: Астанада адамдарға мототехниканы басқаруды ғана емес, оны жөндеуді де үйретіп жатқан шығар.
«Бұл жай автомектеп емес, өмір мектебі!» — деп әзілдеді паблик оқырмандары.
Kolesa.kz редакциясы практикалық емтихан қалай өтетіні туралы арнайы мақала жазған.
Комментариев: 0