Астана көшелерінде өзгеше құрылғы пайда болды

Астана көшелерінде камера, контроллер және тік бұрышты қиғаш антеннадан тұратын аппарат жинағы пайда болды. Соның бірі Сарыарқа даңғылы мен Кенесары көшесінің қиылысына қойылған. Жүргізушілер бұл құрылғы нені бақылайды деп таңғалып жүр.

Tengrinews. kz-ке қалалық көлік және жол-көлік инфрақұрылымы басқармасы бұл құрылғы Астана жолдарындағы көлік легін реттейтін интеллектуалды транспорт жүйесінің бір бөлігі екенін хабарлады. Аппарат ақылды бағдаршамның жұмысын реттейді, егер бір жолда кептеліс пайда болса, бірден «жасыл толқын» қосады.

Қазір ел астанасындағы 700 бағдаршамның 345-і ақылды. Біразы он жыл бұрын іске қосылған.