29 маусым күні Қапшағайдағы полиция бөліміне 37 жастағы жергілікті тұрғын қоңырау шалып, үй алдында тұрған көлігінің нөмірі қолды болғанын айтқан.
Алматы облыстық полиция департаментінің баспасөз қызметі хабарлағандай, ұры бір тәулік ішінде анықталды. Сөйтсе, мемлекеттік нөмірді шағымданушының бұрынғы сүйіктісі үптеп кетіпті. 29 жастағы әйел адам өзін тастап кеткен жігіттен осылай кек алмақ болған.
Күдіктіге қатысты «Ұрлық» бабы бойынша сотқа дейінгі тергеу жұмыстары жүргізіліп жатыр. Өкпелі әйелдің қылмысы дәлелденсе, үш жылға дейін бас бостандығынан айырылуы мүмкін.
Комментариев: 0