Артқы терезесі жоқ, бірақ үлкен экраны бар Avatr 12

Changan, Huawei және CATL құрған Avatr бренді Мюнхен автосалонында 12 индексті хетчбэгін таныстырды. Ерекше сырт пішінінен бөлек, жаңа өнім экзотикалық құрылымымен ерекшеленеді, әзірлеушілер мұндай шешім электрокарды Еуропа жұртына танымал етеді деп санайды.

Avatr 12-нің өлшемі — 5020×1999×1460 мм, дөңгелек базасы — 3020 мм. Автомобиль Porsche Taycan және Tesla Model S-тен айтарлықтай үлкен, ал Porsche Panamera лифтбегінен сәл қысқа, бірақ ось арасындағы қашықтығы одан ұзын.

1 / 5

• 
• 
• 
• 
• 

1 / 5

Avatr 12-нің алдыңғы жағы Avatr 11 кроссовері сияқты екі деңгейлі оптикамен жабдықталған. Негізгі блок С тәрізді үлкен жүріс шамының ішінде тұр. Капот пен алдыңғы әйнек арасында дисплей орналасқан, оған мәтін жазуға болады.

Хетчбэкте дәстүрлі артқы әйнек жоқ. Панорамалы шатырдың ауданы 2.7 шаршы метр, ол жүк салғыш бөліміне дейін созылып жатыр. Avatr 12-ні әзірлеген мамандар машинаның арт жағын артқы көрініс камерасы арқылы көруге болатынын айтты, камера түсірген көрініс салондағы айнадан көрінеді.

1 / 5

• 
• 
• 
• 
• 

1 / 5

Бүйірлік айна да камераға орын берді, ол үшін алдыңғы панель шетінде шағын экран орнатқан. Екі экран арасында ұзындығы бір метрге жуық ірі дисплей бар. Оның диагоналі — 35.4 дюйм. Ол аспаптар панелінің рөлін атқарады, ал қосымша функцияларды ортаңғы тачскрин арқылы басқаруға болады. Дисплей астында және рөлде бірнеше физикалық батырма бар.

Марка Avatr 12-ні екі түрлі күштік құрылыммен ұсынады. Біріншісі 313 ат күшіне ие артқы осьте орналасқан жалғыз мотордан тұрады. Екінші агрегат құрамында 578 ат күшіне ие екі мотор бар. Бірақ екеуі де 19.7 киловатт батареямен бірге жұмыс істейді. Машинаның жүріс қоры 650-700 шақырымға жетеді.

Ерекше электрокар биыл қыркүйекте конвейерге тұрады, жыл аяғында Қытайда сатыла бастайды. Еуропада Avatr 12 алғысы келетін тұрғындар бар ма, жоқ па, белгісіз.