Арнольд Шварцнеггерге арналған Hummer EV

Apocalypse 6×6 ательесі қуатты қозғалтқышпен жүретін жол талғамайтын көліктердің құбыжық тәрізді алты дөңгелекті түрін жасайды. Бұл жолы тюнерлер күштік құрылымға өзгеріс енгізген жоқ, өйткені Apocalypse Strikeforce электрлі Hummer-ге негізделген. Ателье Арнольд Шварцнеггерге арналған электрокарды сұсты етіп жасауға тырысты.

«Терминатор» жұлдызы «Хаммер» сияқты ірі жол талғамайтын көліктерді жаны сүйеді. Жаңа жұмыс Arnold Edition деп аталады. Оның әдеттегі Strikeforces-тен бірнеше айырмашылығы бар. Мысалы, электрокар толықтай экзоскелетпен қапталған, ол машина аударылған жағдайда шанақ панелін бүлінуден қорғайды. Шанақ та біршама өзгерді: Hummer EV-дің сырт пішіні Apocalypse 6×6 өнімдеріне сай есік қосымшасы және жүк платформасы үстіндегі қондырмамен толықты.

1 / 7

• 
• 
• 
• 
• 
• 
• 

1 / 7

Модель сыртқы каркастан бөлек ірі табалдырықпен жабдықталған. Мұндай Hummer-ге кіру біршама қиын, өйткені шеберлер клиренсін биіктетіп, 43 дюймдік Mickey Thompson Baja Pro XS дөңгелек дискісін орнатқан. Сондай-ақ төбедегі экспедицияға арналған жүк салғыш пен жаңа жарық техникасы көзге түседі.

Apocalypse Strikeforce Arnold Edition-ның күштік құрылымы 1000 ат күшін береді. Сұсты пикап GMC Hummer EV-дің алғашқы жүздікті 3 секундта еңсеретін ең үздік түрленіміне негізделген. Мұндай электрокар зауыттан шыққанда бейімді пневматикалық аспа, «краб режимі» және үш қозғалтқыштың бірлескен жұмысына жауапты арнайы режим сияқты жол талғамайтын технологиялармен жабдықталады. Шварцнеггерге арналған машинаның бағасы қанша болатыны белгісіз, бірақ Apocalypse 6×6 әрлеген GMC Hummer EV 150 мың доллардан арзан болмайды.