«1 шілдеде көлік заңдастыруға өтінім қабылдау тоқтайды. Сол күнге дейін үлгерген азаматтар машинасы талапқа сай келсе, одан кейін де автомобилін заңдастыра алады. Сондай-ақ 2022 жылғы 1 қыркүйекке дейін ЕЭО елдерінен келген, бұрынғы тіркеуінен шықпағаны үшін заңдастыра алмаған автомобильді Қазақстанда 5 жылға уақытша есепке қояды, басты шарт — осы мерзім біткен соң машинаны елден шығару керек немесе бұрынғы елдегі тіркеуден шығарып, заңдастыру талабына сай есепке қою қажет» деп хабарлады ҚР ІІМ.
«Азаматтарға арналған үкімет» Kolesa.kz редакциясына хабарлағанындай, кейінгі бірнеше күнде шетелдік көлігін заңдастырғысы келген тұрғындар арнайы ХҚКО-да ұзын сонар кезекте тұр. Әсіресе Ресеймен шекаралас өңірлерде халық қарасы көп.
Мәселені шешу үшін арнайы ХҚКО-ларда қосымша терезелер ашылды. Олардың саны әр облыс пен мегаполисте әртүрлі. Мысалы, Алматыдағы төрт ХҚКО-да шетелдік көлік иелеріне қызмет көрсететін 48 үстел жұмыс істеп тұр.
Оның үстіне арнайы ХҚКО-ның жұмыс кестесі өзгеріп, дүйсенбі—жұма күндері сағат 9:00-ден 20:30-ға дейін, ал сенбі күні сағат 9:00-ден 19:30-ға дейін жұмыс істейтін болды.
Көлік заңдастыруға өтінімді eGov.kz порталы немесе екінші деңгейлі банктердің мобильді қосымшасы арқыла онлайн беруге де болады.
Комментариев: 0