Алматыдағы № 1 арнайы ХҚКО басшысының орынбасары Қалмырза Сейітбеков жергілікті бизнесменнен 930 мың теңге пара алып жатқанда қолға түсті. Жемқорлыққа қарсы агенттік өкілдері операцияны Ұлттық қауіпсіздік комитетінің жергілікті департаментімен бірге өткізгенін айтты. Сейітбеков ақшаны автомектеп курсанттарын емтиханнан еш кедергісіз өткізіп, жүргізуші куәлігін алып беру үшін талап еткен көрінеді.
Сmn.kz тергеу дерегі бойынша күдікті автомектеп өкілдерінен емтихан тапсыратын әр адам үшін ақша алып отырған деп жазды.
Жемқорлыққа қарсы агенттік Конституцияның 77-бабы, 3-тармағының, 1-тармақшасы мен Қылмыстық кодекстің 19-бабының 1-бөлігіне сәйкес адамның кінәлі екені заңды күшіне енген сот үкімімен танылғанша ол жасалған қылмысқа кінәлі емес деп есептелетінін ескертті.
Комментариев: 0