Тәртіп сақшыларының айтуынша, полицейлер мен сақтандырушылар базасы біріккенге дейін «шетелдіктер» тек астананың өзінде айыппұл сомасы 817 миллион теңге болатын жол ережесін бұзған. Оның үстіне, салынған айыппұлдың 93 %-ы әлі төленбепті.
Нұр-Сұлтанда жол ережесін елемейтіндердің былтырғы көшін Арменияда тіркелген 5-сериялы BMW-ның иесі бастады. 30 жастағы Қазақстан азаматының атына 437 хаттама толтырылды.
Екінші орында тағы бір армениялық көлікпен елорда көшелерін шарлаған 50 жастағы астана тұрғыны тұр. Ол өткен жылы 369 рет жол ережесін бұзған.
Үшінші, төртінші орынды екі бірдей армениялық көлік (Toyota Ipsum және Nissan Tiida) мінген 32 жастағы азамат иеленді. Ол Toyota-мен 72 рет, ал екінші көлігімен 69 рет жол ережесін бұзған. Оның атына толтырылған хаттамалардың жалпы саны — 141.
Ал бесінші орынға шетелдік нөмірдегі Porsche Cayenne тізгіндеп, жол қозғалысы ережесін 74 рет елемеген 29 жастағы астана тұрғыны жайғасты.
ҚР ІІМ берген деректерге сүйенсек, қазақстандықтар 2019 жылы шетелдік нөмірдегі автокөлікпен жол ережесін 90 мың мәрте бұзған екен. Жалпы айыппұл сомасы 1.1 млрд теңгеден асады.
Естеріңізге сала кетейік, жүргізушілер мемлекет алдында қарызының бар-жоғын kolesa.kz мобильді қосымшасы арқылы біле алады. Ол үшін қосымшаны смартфонға орнатып, «Айыппұлдар» бөліміне өту қажет. Содан кейін ЖСН немесе БСН енгізіп, «Тексеру» батырмасын басу керек. Егер мемлекет алдында қарызыңыз бар болса, оны бірден төлеуге болады.
Комментариев: 0