Бесінші буындағы Toyota Hilux-ке негізделген алғашқы AT33 пен AT35 1990 жылы шыққан, бірақ исландиялық шеберлер жасаған көлік Top Gear-ге қатысқан соң Антарктиданы жүріп өткен алғашқы жолаушы автокөлігі ретінде әлемге танылды. Arctic Trucks тюнингінің тағы бір артықшылығы — зауыт кепілдігі сақталады және көлікке Toyota-ның сервистік орталықтарында қызмет көрсетіледі.
Қосарлы кабинасы және 2.8 литрлік (201 а.к., 500 Нм) турбодизелі бар темір тұлпар 375 миллиметрлік клиренсімен, жаңа тұрақтандырғышымен және көлемі 35 дюйм BF Goodrich шинасымен ерекшеленеді. Машина соққыға төзімді болу үшін мамандар рамасын анағұрлым берік етті. Одан бөлек трансмиссияның жұмыс істеу алгоритмі қайта бапталды.
AT35 нұсқасындағы Toyota Hilux түрленімі 18 мың фунт стерлинг тұрады, ал көліктің өз бағасы 40 мың. Қосымша ақы төлеп, астына толық қорғаныс құралын, шинадағы қысымды реттейтін жүйе, кунг және кабинаға аспашам орнатуға болады.
Комментариев: 0