Жол талғамайтын көлік жақсартумен танымал исландиялық Arctic Trucks компаниясы AT35 атауын алған Land Rover Defender 110 моделіне тағы назар аударды.
Алдыңғы жобаны Ресейдегі бөлімше жасаса, жаңасын компанияның Ұлыбританиядағы филиалы Банбери қаласында көрсетті. Бұл машина сырт келбеті мен техникалық жағынан сәл өзгерді.
Көлікті жабдықтауға 29 995 фунт стерлинг жұмсалады және екі апта уақыт кетеді. Бұны әркімнің қалтасы көтере бермейді, себебі V8 қозғалтқышы бар үздік Defender 110 өз отанында кем дегенде 111 795 фунт стерлинг (шамамен 66.5 млн теңге) тұрады.
Бұл сомаға шеберлер зауыттық пневматикалық аспаны 15 миллиметр көтеруге және клиренсті реттеуге болатын лифт немесе жол саңылауын 20 мм ұлғайтатын Bilstein тіреуін орнатып береді. Ресейлік жобада мұндай опция болмаған.
20 дюймдік дискілері 35 дюймдік BF Goodrich KO2 шинасымен қапталған, дөңгелек аркасында жүрген жерге байланысты қандай шина қысымын орнату керек екенін көрсететін ерекше белгілер бар.
Одан бөлек тізімге дюральдан жасалған бүйірлік басқыш, жүксалғыш есігіндегі қосалқы дөңгелек және премиум былғары қаптама мен еден төсемі кіреді.
Комментариев: 0