Халықты оқшаулануға шақырған Volkswagen-нің фирмалық шеңберіндегі V әрпі W әрпінен бөлінсе, Audi-дің төрт шеңбері бірдей қашықтыққа алшақтаған. Германиялық концерн осындай қиын кезеңде арақашықтық сақтай отырып, қоғамның тұтастығын да бұзбау қажеттігін ескертті.
Бүкіл еуропалық автоөндірісті тұралатқан коронавирус пандемиясы ЕО шекарасынан шығысқа қарай ығысты. «Коммерсантъ» басылымы хабарлағандай, алғашқы болып жұмысын Калуга мен Төменгі Новгородтағы PSA және Volkswagen тоқтатса, келесі кезек жүк көліктерін шығаратын Volvo мен BMW, Mercedes, Renault сынды шетелдік компанияларда. «Соллерс» автокөлікке сұраныстың тым төмендігінен өндірістің тоқтауы мүмкін екендігін жоққа шығармайды. Ал «АВТОВАЗ» бұрынғы қарқында еңбек етуін жалғастыруда. Десе де, еуропалық бөлшектер жеткізілмесе, бүкіл ресейлік автозауыттардың тұралап қалары анық.
Комментариев: 0