23 қарашада Қазақстанда жеті жаңа жол бөлігі ақылы режимге көшеді. ҚР ИИДМ Автомобиль жолдары комитеті хабарлағандай, ақылы жолда жүру үшін азаматтар 1000 теңге төлеп, абонемент сатып ала алады. Бірақ «жол жүру билеті» ақылы жолдарға іргелес елді мекен тұрғындарының жеңіл көлігіне ғана берілуі мүмкін.
Абонемент кімдерге беріледі
Мына елді мекендерде тұратын жүргізушілер ғана жеңілдікке ие болады:
1. «Қапшағай — Талдықорған» — Қапшағай, Кербұлақ, Көксу, Ескелді аудандары және Талдықорған қаласында;
2. «Тараз — Қайнар» — Қордай, Шу, Меркі, Т.Рысқұлов, Байзақ аудандарында;
3. «Шымкент — Тараз» — Сайрам, Түлкібас, Жуалы, Жамбыл аудандарында;
4. «Шымкент — Қызылорда» — Кентау, Сауран, Ордабасы, Бәйдібек, Сайрам, Жаңақорған, Шиелі аудандарында;
5 «Шымкент — Ташкент» — Төле би, Қазығұрт, Сарыағаш аудандарында;
6. «Щучинск — Көкшетау» — Бурабай, Зеренді аудандары және Щучинск қаласында;
7. «Нұр-Сұлтан — Павлодар» — Целиноград, Ерейментау аудандары және Екібастұз, Ақсу қалаларында.
Абонементті қалай алуға болады
Жылдық абонемент рәсімдеу үшін:
- ақылы жолдарға қызмет көрсету орталығының көмегіне жүгіну;
- жеке куәлік пен көліктің техникалық төлқұжатын көрсету;
- өтініш жазу;
- 1000 теңге көлемінде төлем жасау;
- чек алу қажет.
Абонементті қайдан алуға болады
Абонемент рәсімдейтін қызмет көрсету орталықтарының орналасқан жері:
1. «Қапшағай — Талдықорған» — Талдықорғаннан шығаберісте, Қапшағай бағытында;
2. «Тараз — Қайнар» — Тараз қаласынан шығаберісте, Қайнарға барар бағытта, Ақшолақ ауылы, қаладан 37 шақырым жерде;
3. «Шымкент — Қызылорда» — Түркістан қаласынан Шымкентке қарай шығаберісте, Иқан ауылы, қаладан 15 шақырым жерде;
4. «Шымкент — Тараз» — Шымкент қаласынан Таразға қарай шығаберісте, Машат ауылы, қаладан 28 шақырым жерде;
5. «Шымкент — Өзбекстан шекарасы» — Атамекен кентінен Шымкентке қарай шығаберісте, қаладан 86 шақырым жерде;
6. «Нұр-Сұлтан — Павлодар» — Нұр-Сұлтан қаласынан Павлодарға қарай шығаберісте, Қоянды ауылы;
7. «Нұр-Сұлтан — Павлодар» — Байет ауылында, Павлодарға барар бағытта, елордадан 239 шақырым, ал Екібастұздан 53 шақырым жерде.
Қалааралық қызмет көрсету орталықтарының орналасқан жері:
1. «Қапшағай — Талдықорған», Алматы қаласы, Абылай хан көшесі 27/27;
2. «Тараз — Қайнар», Тараз қаласы, Әйтеке би көшесі, 73 үй;
3. «Шымкент — Қызылорда», Қызылорда қаласы, Сұлтан Бейбарыс көшесі 4А және «Амангелді» кемпингі, тас жолдың 1825+400 шақырымында;
4. «Шымкент — Тараз», Тараз қаласы, массив дорожник 1 Б, Шымкент бағытында, «Раушан» кафесі;
5. «Нұр-Сұлтан — Павлодар», Ленин кенті, Жасыбай батыр көшесі 2/1 (ДЭУ-61) және Павлодар қаласы, Сәтбаев көшесі, 97.
Үйде отырып алуға бола ма
Абонементті қашықтан рәсімдеуге де болады. Kolesa.kz мобильді қосымшасы арқылы ақылы жол төлеміне 1000 теңге аударып (қарыз жоқ екеніне көз жеткізгеннен кейін), «ҚазАвтожол» ҰК" АҚ байланыс орталығының 1403 нөміріне қоңырау шалу керек. Байланыс орталығының операторы көлік деректерін тексереді, егер бәрі талапқа сай болса, абонемент рәсімделеді.
Жол жөндеушілер абонементті алдағы жеті күнде, яғни, ақылы жолдар іске қосылғанға дейін алуға кеңес береді.
Комментариев: 0