Қазіргі уақытта елде 682 шақырымдық төрт ақылы жол бөлігі бар. Бұл Нұр-Сұлтан — Щучинск, Нұр-Сұлтан — Теміртау, Алматы — Қорғас және Алматы — Қапшағай тас жолдары. ҚР ИИДМ Автомобиль жолдары комитетінің төрағасы Сайранбек Бармақов жыл басынан 28 шілдеге дейін жүргізушілерден 2.6 млрд теңге жиналғанын айтты.
Жыл соңына дейін 5.8 мың шақырым автожолға төлем қабылдайтын құрылғылар орнатылып, тестілік режимде жұмыс істейді, ал 2024 жылы тағы 5.2 мың шақырым жолды ақылы ету жоспарланып отыр.
Біраз уақыт бұрын мамандар мына жол бөліктеріндегі төлем қабылдайтын бекеттер тестілік режимде іске қосылатынын хабарлады:
- Шымкент — Ташкент;
- Қапшағай — Талдықорған;
- Павлодар — Нұр-Сұлтан — Павлодар;
- Павлодар — Омск — РФ шекарасы;
- Атырау — Ақтау — Бейнеу — Ақжігіт;
- Ақтөбе — Орал;
- Орал — Тасқала;
- Орал — Самара.
Естеріңізге сала кетейік, kolesa.kz. мобильді қосымшасының көмегімен жол ақысын екі есе арзан төлеуге болады.
Комментариев: 0