Ақтөбедегі ХҚКО-ға полиция басып кірді

Әлеуметтік желіде камуфляж киген полицейлер мен қолында камерасы бар бір топ жігіттің Ақтөбедегі мамандандырылған ХҚКО-ға жүгіріп кіріп бара жатқаны түсірілген видео жарияланды. Кейін белгілі болғандай, сол сәтте жүргізуші куәлігін заңсыз берумен айналысқан қылмыстық топты құрықтау операциясы жүрген екен.

@quandyqof Учите, а не покупайте #aktobe #автоцонактобе ♬ оригинальный звук – quandyqof

Polisia.kz сайтында жарияланған жергілікті полиция департаментінің ресми түсінігінде тінту барысында топ мүшелерінің қылмысқа қатысы бар екенін дәлелдейтін заттай айғақтар тәркіленгені жазылған. Қазір сотқа дейінгі тергеу жүріп жатыр.

Бұл осы жазда жүргізушілерге қызмет көрсететін орталық мамандарының жымысқы әрекеті анықталған алғашқы жағдай емес екенін айта кеткен жөн. Бір-екі күн бұрын астанадағы сыбайлас жемқорлыққа қарсы қызмет көлікті заңсыз есепке қойып келген қылмыскерлердің жолын кесті, арасында полицейлер де бар. Оның алдында Мемлекеттік кірістер комитеті Алматы облысындағы ХҚКО-да заңға қайшы қызмет көрсетілгенін хабарлады.