«Халықтан шыққан шеберлерді» «құпия сатып алушылар» анықтады. МҚІСЖҚА департаментінің баспасөз қызметі хабарлағандай, «Ақтөбе — адалдық алаңы» жобалық кеңсесінің мамандары жасаған мониторинг нәтижесі бойынша, 19 200 теңге берсе болды, екі күнде кез келген мемлекеттік нөмірді жасап беруге дайын ақтөбелік тұрғындар анықталыпты. Олар жайлы мәлімет полицияға берілген.
Естеріңізге сала кетейік, жүргізуші куәлігін алу не айырбастау үшін 3 156.25 теңге (1.25 АЕК) көлемінде мемлекеттік баж салығын төлеу қажет. Көлікті тіркеу барысында КҚТК рәсімдеу не қайта рәсімдеу үшін де дәл сондай сома төлеу керек болады. Қарапайым нөмір алуға 7 070 (2.8 АЕК) жұмсалса, сәнді нөмір алғысы келгендердің одан он есе көп шығындалуына тура келеді. Ал мотоциклдер мен тіркемелерге нөмір алу үшін 3 535 теңге (1.4 АЕК), транзитті нөмір үшін 883.75 (0.35 АЕК) көлемінде қаражат жұмсалады.
Комментариев: 0