Газ тапшылығы өткен аптада сезіле бастады. Бүгін жүргізушілер көгілдір отын таппай қаланы шарлап жүр, бірақ газ ірі бекеттерде де болмай тұр. Ktk.kz Ақтөбе облыстық жеткізушілер қауымдастығы 20 маусымда бекеттерде коллапс басталады деп болжағанын хабарлады.
Жергілікті шенділер Энергетика министрлігі бекіткен газдың мөлшері ауданға жетпейді дегенді алға тартты. Қажет 14 мың тонна орнына небәрі 10 мың тонна газ жеткізіледі екен. Сонымен қатар жаздағы егіс науқанына байланысты сұйытылған газды тұтыну айтарлықтай артады. Энергетика басқармасы басшысының орынбасары және Ақтөбе облысы тұрғын-үй коммуналдық шаруашылығының басшысы Нұртай Сертаевтың сөзінше билік Атыраудағы мұнай өңдейтін зауыттан 1266 тонна қосымша көгілдір отын алдырыпты. Бірақ бұл да газ тапшылығын жеңуге көмектеспейтін сияқты.
Зауытта болған апат салдарынан батыста газ тапшылығы ақпан айында да байқалғанын естеріңізге саламыз. Ал Шымкент мұнай өңдеу зауытында жөндеу жүргенде оңтүстік өңір газ таппай біраз қиналған.
Сәуірде оңтүстік астана мен еліміздің басқа аудандары үшін газ бағасы бекітілген болатын:
- Алматы — 75 теңге;
- Алматы облысы — 75–80 теңге;
- Абай облысы — 65–70 теңге;
- ШҚО — 70–75 теңге;
- СҚО — 75–80 теңге.
Басқа облыстарда баға өзгеріссіз қалды.
Елімізде ертерек бензин мен дизель қымбаттағанын білесіздер.
Комментариев: 0