«Құқық тәртібі» операциясы кезінде полицейлер БТР-60 әскери бронетранспортёрін сатпақ болған жергілікті тұрғынды анықтады. Ақтөбе қаласының іргесіндегі Россовхоз ауылы маңындағы карьер аумағынан сәйкестендіру белгісі, әскери элементі және құжаты жоқ машина табылды. Оның иесі техниканы 2000 жылдары белгісіз біреуден сатып алғанын, қазір қажетсіз болғандықтан сатуға бел буғанын айтты.
Полиция Қылмыстық кодекстің 386-бабы 1-бөлігі бойынша (көрінеу қолдан жасалған сәйкестендіру нөмірі, шанақтың, шассидің, қозғалтқыштың нөмірі бар немесе көрінеу қолдан жасалған мемлекеттік тіркеу белгісі бар көлік құралын өткізу не көрінеу қолдан жасалған нөмірі бар шанақты, шассиді, қозғалтқышты өткізу) сотқа дейінгі тергеу жүргізіп жатыр.
Бұл бап бойынша БТР иесіне 2000 АЕК-ке дейінгі мөлшерде айыппұл салу немесе екі жылға дейін бас бостандығынан айыру жазасы берілуі мүмкін.
Комментариев: 0