Ақтөбе — Қандыағаш бағыты Ақтөбе — Атырау — Ресей шекарасы (Астрахань бағыты) көлік дәлізінің бір бөлігі болып есептеледі. Тоқсан алты шақырымға созылған бұл жол мұнай мен газға бай өңірге апарады, сондықтан мұнда қозғалыс қарқынды. Ұзақ уақыт жөнделмеген тас жолдың жағдайы нашарлап кеткен. Жөндеу жобасы 2017 жылы дайын болғанымен, қаражат табылмай, құрылыс 2021 жылы басталды.
«ҚазАвтоЖол» хабарлағандай, қазір Ақтөбе мен Қандыағаш арасындағы жол толық ашылды.
«Қоршауы бар жол төрт және екі жолақты, ол қауіпсіздік пен көлік өткізу қабілетін арттырады. Мамандар 691 мың тонна асфальтбетон қоспасын төсеп, 10 көпір, 4 өткел, 3 жолайрық және бір теміржол өткелін салды, 8 демалыс алаңы, 18 автобус аялдамасы, 1795 жарық бағанын орнатты», — деп түсіндірді ұлттық компания өкілдері. Ал 2025 жылы Ақтөбе — Қарабұтақ — Ұлғайсын тас жолын жөндеу жұмыстары басталады.
Комментариев: 0