Ақтөбе облысында үш көлік соғылып, жеті адам көз жұмды

Жол апаты бүгін, 22 қарашада Ақтөбе — Астрахань тас жолының Мұғалжар ауданы, Елек ауылы маңында болды. Қолда бар мәлімет бойынша ВАЗ-2114 жүргізушісі басымдық беретін белгіні елемей, негізгі жолға шығып кетіп, Lada Largus-ты соққан. Ал универсал қарсы жолақта келе жатқан Kia Sorento-мен бетпе-бет соқтығысыпты. Жолды қар басып, көктайғақ болып жатқандықтан, апаттың алдын алу қиынға соққан секілді.

View this post on Instagram

A post shared by ZELLO AKTOBE | ЗЕЛЛО АКТОБЕ (@zelo_aqtobe.04)

Жол апатынан 43 жастағы «Ларгус» жүргізушісі мен оның алты жолаушысы оқиға орнында көз жұмды. Kia-да отырған төрт адам жараланды.

ҚР ҚК 345-бабы 4-бөлігі бойынша бірнеше адамның қайтыс болуына әкеп соққан жол апатына кінәлі азамат 5 жылдан 10 жылға дейінгі мерзімге бас бостандығынан айырылады және 7 жыл көлік жүргізе алмайды.