АҚШ тұрғындары Toyota Camry-ге V6 моторын орнатуды сұрады

АҚШ-тағы Toyota Camry әуесқойлары концернге седанның мотор гаммасына 6 цилиндрлі қозғалтқышты қайтару туралы өтініш жазды. Петиция арнайы веб-сайтта жарияланды, бірақ оған қол қойғандар көп емес.

Петиция авторлары Camry-дің өткенін түгендеп, седан бұған дейін бензинді мотормен жүргенін, бірақ тоғызыншы буыны гибридке айналғанын жазған. Олардың сөзінше марка Camry топтамасына алты цилиндрлі қозғалтқышты қайтаруы қажет. Пікір жазған тұрғындар да V6-ны қайтаруды қолдады, сондай-ақ олар механика қорап және толық жетекпен жұмыс істейтін 2.4 литрлік турбомоторға да қарсы емес екенін атап өтті.

Toyota петицияға әлі жауап берген жоқ. Бірақ компания өз модельдеріне қозғалтқыш жинағын қалай таңдайтынын ескерсек, атмосфералы V6-ны Camry-ге қайта орнатуы екіталай. Мысалы, мұндай мотор АҚШ-та Highlander, Tacoma және 4Runner-ге, ал Жапонияда Crown топтамасына қойылмайтын болды.

Солтүстік Америкада алдыңғы буын Camry автомат қораппен жұмыс істейтін 300 ат күшіне ие 3.5 литрлік V6-мен жүрген. Ол седан алғашқы жүздікті 6 секундта еңсеретін.

Егер Toyota қазіргі Camry топтамасына қуатты түрленім қосқысы келсе, 2.4 литрлік турбомоторға негізделген 345 ат күшіне ие Hybrid Max сериялы күштік құрылымды пайдалануы мүмкін.