АҚШ-тағы кастомайзер Ferrari моторы бар супербайк жасады

Лос-Анджелестегі кастомайзер Максвелл Хазан және Hazan Motorworks шеберханасының негізін қалаушы әрі бас конструкторы, әлемдегі ерекше мотоциклдің бірі — HF355-ті көрсетті. Хазан оны толықтай басынан бастап құрастырған және қозғалтқыш ретінде V8-ді қолданған.

Кастомайзер 3.5 литрлік сегіз цилиндрлі моторды 1990 жылдардың ортасында шыққан Ferrari F355 моделінен алған. Суперкарда бұл қозғалтқыш 380 ат күшін беретін. Осындай моторы бар мотоцикл жасау идеясы Максвелл Хазанға бірнеше жыл бұрын келген. Ferrari агрегаты қарапайым мотоциклдің қозғалтқышынан едәуір ірі болғандықтан, шебер байкты V8-ге қарай баптады. Соған қарамастан өлшемдері сақталған.

1 / 5

• 
• 
• 
• 
• 

1 / 5

V8-дің қуаты шамамен 400 ат күшіне жетті. 6 сатылы трансмиссия және SC Project газ шығару жүйесімен жабдықталған. Мотоциклдің бөлшектері карбоннан жасалған, сондықтан ірі көлеміне қарамастан салмағы небәрі 260 келі. HF355-тің қуат пен салмақ арақатынасы шамамен тоннасына 1500 ат күшіне жетті. Бұл бірнеше миллион доллар тұратын гиперкарлар арасында да ғажап көрсеткіш.

View this post on Instagram

A post shared by The Mighty Motor (@themightymotor)

Супербайктың динамикалық көрсеткіші әзірге белгісіз. Жақында Максвелл Хазан HF355-ті мініп алғаш рет жалпы жолға шықты.

1 / 4

• 
• 
• 
• 

Millyard Viper V10

Millyard Viper V10

Millyard Viper V10

Millyard Viper V10

1 / 4

Америкалық ательенің бұл жобасы ерекше көрінсе де, одан да мықты қарсыластары бар. Мысалы, Ұлыбританияда 500 ат күшіне ие Millyard Viper V10-ның жүргеніне 15 жылдан астам уақыт болды. Аты айтып тұрғандай, ол 8 литрлік Dodge Viper V10 қозғалтқышымен жабдықталған.