АҚШ-та жаңа Nissan Murano сынақтан өтіп жатыр

Nissan жаңа Murano-ны әзірлеуге кірісті. Carscoops басылымы АҚШ жолдарында жүрген прототиптің суреттерін жариялады. Компания шыққанына он жыл болған Murano-ның жаңа буынын дайындап жатыр. Кроссовердің сырт келбеті және мотор гаммасы өзгереді.

Nissan дизайнерлері ірі V тәрізді радиатор торынан біртіндеп бас тартып келеді. Камуфляжға қарамастан дизайнерлер Murano үшін көлденең ламелі бар жаңа элемент жасағаны анық көрінеді. Бұл шешім үлкенірек Pathfinder-дің қытайлық нұсқасынан алынған болуы мүмкін. Заманауи оптика, динамикалық сұлба, жақсарған спойлер және артқы қанаттардағы ірі қатпарлар байқалады.

1 / 5

• 
• 
• 
• 
• 

1 / 5

Тыңшылар жаңа Murano-ның салонына да көз жүгіртіп, өзгерген алдыңғы панельді, екі үлкен дисплейі бар медиажүйені және физикалық батырмалары сақталған климат-бақылау блогын түсіріп алған.

Алдын ала мәлімет бойынша компания Murano-ның қазіргі платформасын сақтап қалады, бірақ мотор гаммасында көлемі аз қозғалтқыштар болады. Мысалы, 3.5 литрлік V6-ның орнына 4 цилиндрлі турбомотор жайғасады. Вариатор дәстүрлі 9 сатылы автоматқа орын береді. Трендті ескерсек, гибрид күштік құрылым орнатуы да мүмкін. Төртінші буындағы Murano саудаға 2024 жылдың аяғына қарай шығады.