Кейінгі кезде Детройтта өте оғаш істер болып жатыр. 2021 жылы желтоқсанда қарақшылар дилерден төрт қымбат Shelby GT500 спорткарын ұрлап кеткен. Биыл наурызда Стерлинг-Хайтстегі зауыттан төрт RAM (ішінде TRX те бар) ұрланды. Ал мамырда General Motors-тың Лансингтегі кәсіпорын аумағынан бес жаңа Chevrolet Camaro жоғалды. Енді Дирборндағы Форд бас зауытына кезек келді.
Detroit Free Press басылымы хабарлағандай, 10 маусымда Ford басшылығы полицияға бір топ F-150 Raptor зауыт тұрағынан ұрланғанын мәлімдеді. Қарақшылар түнде зауыт қоршауының бірнеше тұсын бұзып кіріпті. Ұрланған көліктің нақты саны белгісіз. Кейін бөлшектеп, сындырып тастап кеткен 13 данасы табылған. Компанияға миллион доллардан аса шығын келді.
Тергеу жүріп жатыр. Дегенмен автоөндірушілердің дайын өнімін ұйымдасқан қылмыстық топ ұрлады деп болжауға болатын шығар.
Комментариев: 0