Энергиялық тиімді экономика жөніндегі қоғамдық кеңес (ACEEE) АҚШ нарығындағы бүкіл пайдалану мерзімі бойынша қоршаған ортаға зияны төмен көліктердің тізімін жасады.
Рейтинг авторлары қоршаған ортаға және адам денсаулығына зиян келтіретін көлікті өндіру мен утилизацияға өткізуден бастап шығарынды деңгейіне, тиімділігіне, жанармай түріне, тіпті оны өндірудегі экологиялық тазалығына және тасымалдануына дейінгі бірқатар факторды басшылыққа алды.
Нәтижесінде Toyota Prius Prime SE экологиялық таза көлік атанды. Гибрид күштік құрылым тиімді болғандықтан, бір жыл ішінде жанармайға орташа есеппен 529 доллар кетеді екен. Бұл автомобиль иесінің бюджетін үнемдеуге ғана емес, отын шығынын азайтуға және табиғи ресурстарды ұтымды пайдалануға оң әсерін тигізеді.
| Орын | Модель | Баға | Жанармай құю/қуаттауға кететін шығын |
| 1 | Toyota Prius Prime | 71 | $529 |
| 2 | Lexus RZ 300e | 67 | $651 |
| 3 | Mini Cooper SE | 67 | $747 |
| 4 | Nissan Leaf | 66 | $741 |
| 5 | Toyota bZ4X | 66 | $689 |
| 6 | Toyota RAV4 Prime | 64 | $741 |
| 7 | Hyundai Elantra Blue | 64 | $864 |
| 8 | Hyundai Kona Electric | 63 | $695 |
| 9 | Toyota Camry LE | 63 | $907 |
| 10 | Kia EV6 | 63 | $689 |
| 11 | Toyota Corolla | 62 | $944 |
| 12 | Hyundai Ioniq 5 | 62 | $737 |
Дәл осындай себептермен Lexus RZ 300e, Mini Cooper SE, Nissan Leaf және Toyota bZ4X үздік бестікке кірді. Бір қызығы, бұл тізімге бірде-бір Tesla енбеген.
Meanest List рейтингінде Mercedes-Benz AMG G63, Ram 1500 TRX 4×4, Ford F150 Raptor R, Cadillac Escalade V және электрлі GMC Hummer EV ең лас және иелері үшін ең шығыны көп модельдер атанды.
Комментариев: 0