АҚШ-тағы классикалық көліктерді сақтандыру және бағалаумен айналысатын Hagerty компаниясының мамандары 2014 жылы жергілікті нарықтан кеткен Toyota FJ Cruiser-дің құны едәуір артқанын байқаған.
2019 жылы «эфджейдің» орташа бағасы 14 мың долларды құраған, ал қазір жағдайы жақсы модельдер 30 мыңнан жоғары сатылып жатыр. Ал кейінгі жылдары шыққан машина үшін тіпті 85 мың доллар сұралуы мүмкін. Механикалық қорабы бар және көп жүрмеген сондай көліктердің бірі Флорида штатында сатылып жатыр.
Toyota FJ Cruiser біздің елде де жоғары бағаланатынын айта кеткен жөн. Kolesa.kz-тен шамамен 60 данасын табуға болады. Бағасы 8.3 млн теңгеден басталып, 27 миллионға дейін барады. Сатылатын көліктердің көбі 2007 жылғы, арасында БАӘ-ден тапсырыспен алдыруға болатын су жаңа машиналар бар.
Қазақстанда модель АҚШ-тағыдай қымбаттады, бірақ екі есе емес. Kolesa.kz аналитикасының мәліметі бойынша, 2007 жылғы модель 2019 жылы 8.5 млн теңгеге сатылса, биыл қыркүйекте 12 миллионнан саудаланып жатыр.
Комментариев: 0