АҚШ-та сирек кездесетін Nissan Skyline GT-R сатылады

АҚШ-та Nissan Skyline GT-R (BNR32) моделінің сирек кездесетін түрленімі сатуға қойылды. Ол — атауында N1 қосымшасы бар V-Spec II. Мұндай машинаның 63 данасы ғана шыққан, біз 35-көлік туралы сөз қозғаймыз.

1 / 6

• 
• 
• 
• 
• 
• 

1 / 6

V-Spec II N1-дің стандарт GT-R-ден басты айырмашылығы моторында. 280 ат күшіне ие деп көрсетілгенімен, іс жүзінде екі GT-R де айтарлықтай қуатты. N1-дің моторын бірнеше басқа компонент пайдаланып қолмен құрастырған. Барлық бұлғақ-піспек тобы теңестіріліп, өзге су және май сорғысы орнатылған, блок бастиегі де басқаша. Соның арқасында 2.6 литрлік RB26DETT-тің беріктігі артты.

Машинада ABS, артқы әйнек сүрткіш және салонда аудиожүйе жоқ, салқындатқыш опция ретінде ғана ұсынылған (бұл машинада бар). Көлік 17 дюймдік BBS дөңгелек дискісі және басқаша тежеуіш дискісі бар Brembo суппортымен жабдықталған, фирмалық ATTESA толық жетек жүйесі арнайы параметрге ие.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Машина сырттай базалық GT-R-ден Nismo бампері және спойлермен ерекшеленеді. Барлық V-Spec түрленіміне алюминий капот орнатылған. Салмағы стандарт көліктен 50 келі ауыр.

1 / 10

• 
• 
• 
• 
• 
• 
• 
• 
• 
• 

1 / 10

Сатушы машинаның тарихы туралы көп ақпарат бермепті. Бірақ GT-R 1994 жылдан бері бірнеше адамның қолынан өткені белгілі, 2005 жылдан бері жолға шықпапты. 8 мың шақырым жол жүрген көлік АҚШ-қа 2021 жылы қыркүйекте жеткізілген. R32 сатар алдында мамандар жетек белдігін, термостат, помпа, білте, вакуум шлангын ауыстырған.

Nissan Skyline GT-R V-Spec II N1-дің қазіргі бағасы 78 мың долларға жетті. Аукцион қазанның ортасына дейін жалғасады, соңғы бағасы 100 мың доллардан кем болмайтын шығар.