АҚШ-та сирек кездесетін Alpina B3 аукционға шықты

АҚШ-тағы танымал онлайн аукциондардың бірінде 1990 жылдары шыққан өте сирек кездесетін универсал бәссаудаға түсті. Бұл Alpina ательесінің мамандары жақсартқан B3 3.2 Touring деп аталатын E36 шанағындағы 1996 жылғы 3-сериялы BMW.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Мұндай B3-тің жалпы тиражы небәрі 89 дана болған, мына экземпляр 23-іншісі. Жапония нарығына арналған автомобиль 2017 жылға дейін Күншығыс елінде болды, кейін ол алдымен Нидерландыға, содан кейін 2020 жылы АҚШ-қа қоныс аударды. Машина ешқашан гаражда сақталмаған, сондықтан одометрі 176 мың шақырым көрсетіп тұр, оның 18 мыңын қазіргі иесі жүріпті. Универсал өзінің жасына қарамастан өте жақсы сақталған, алайда тозған жерлері де бар.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Alpina B3 тюнингтен өткенін айта кеткен жөн. Зауыттан көлік автомат қорабымен шыққан, ал қазір тарту күші артқы дөңгелектерге үйкеліс күші жоғары дифференциал арқылы 6 сатылы механикамен беріледі. Хабарландыруда жаңа иесі машинамен бірге басқа да қосалқы бөлшектерді бірге алады деп жазылған.

Автомобиль 3.2 литрлік 6 цилиндрлі агрегатпен жүреді. Мұндай моторды Alpina мамандары 2.8 литрлік алтылық негізінде жасады. Еркін газ шығару жүйесімен қозғалтқыш қуаты 193-тен 265 ат күшіне артты, ал айналу моменті 470 Нм-ге жетті.

Лот сипаттамасында автомобильдің бояуы жаңарғаны және АҚШ-қа келгенде кешенді техникалық қызмет алғаны көрсетілген. Иесі «Альпинамен» қоштасуға дайын ең төменгі бағаны көрсетпегенмен, көліктің құны 20 мың доллардан асты.