АҚШ-та қай электромобиль танымал

Kelley Blue Book талдаушылары 2024 жылдың үш тоқсаны бойынша АҚШ-тағы электромобиль саудасының статистикасын жариялады.

Қаңтар мен қыркүйек аралығында автосалондар 945 мыңнан астам батареялы автомобиль сатқан, бұл былтырғы сәйкес кезеңдегі нәтижемен (870 мың) салыстырғанда айтарлықтай көп.

АҚШ-тағы электромобиль нарығының көшбасшысы — Tesla. Елде биыл саудаланған барлық электрокардың шамамен 50 %-ы осы компанияның өнімі. Оның ішінде 44 %-ын екі модель: Model Y (284 831) мен Model 3 (131 975) еншілеген. Екеуі — АҚШ-тағы ең танымал электромобильдер. Үздік үштікті Ford Mustang Mach-E (9 айда 35 526 данасы сатылған) түйіндеді. Ал үздік бестіктің қалған екі орнын Қазақстанда сатылған Hyundai Ioniq 5 (30 318 дана) пен Tesla Cybertruck (28 250 дана) алды.

2024 жылғы тоғыз ай қорытындысы бойынша АҚШ нарығындағы үздік 10 электромобиль

Үшінші тоқсанның нәтижесі бойынша үштікке Tesla модельдері кірді және Cybertruck қымбат болғанына қарамастан, Mustang Mach-E-ні артта қалдырып, үшінші сатыға жайғасты. Қазір электрлі пикаптың бағасы 75 мың доллардан, ал Mustang-тың құны 40 мың доллардан басталады.