АҚШ-тағы Элленвилл деген шағын ауылда орналасқан автосалон түгі қалмай жанып кетті. Бұл аса назар аударатын жайт емес, дегенмен бір ерекшелігі бар. Салонда Chevrolet маркасына тиесілі коллекциялық үлгілер болған. Дилерлік орталық «Мұның шындық екенін білемін» телехикаясының түсірілімі үшін жалға алынған, ондағы машиналарды коллекция жинаушылардан уақытша алыпты.
1 / 7
Түсірілімде қолданылған 27 автокөліктің он екісін жалын шарпыды. Олардың ішінде бірнеше Camaro, Corvette, C1500 және 454 SS пикаптары мен өте сирек кездесетін Chevrolet Beretta купесі бар. Өртенген көліктер қандай сомаға бағаланатыны әзірше белгісіз. Америкалық БАҚ өкілдері таратқан ақпаратқа сенсек, апаттан адамдар зардап шекпеген.
Комментариев: 0