АҚШ-та көп жүрмеген ескі Honda CRX сатылады

Америкадағы онлайн-аукциондардың бірі 1991 жылғы Honda CRX-ті саудаға салады. Si нұсқалы екінші буын өкілі 30 жылдан аса уақытта небәрі 23 мың миль (37 мың км) жүріпті.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Сатушылар көліктің іші-сырты жап-жаңа күйінде сақталған деп жазды. Ол 108 ат күшіне ие 1.6 литрлік D16A6 моторымен жүреді. Агрегат айналу моментін алдыңғы дөңгелектерге беретін 5 сатылы механикамен жұмыс істейді.

Көлік иесі зауыт берген бүкіл құжатты, сервистік кітапша, тіпті чегін сақтап қойыпты. Ол CRX-ті 1991 жылы 11 390 долларға алған екен. Қазір лифтбэк үшін 41 мың санап беруге дайын адамдар бар. Бәссауданың аяқталуына екі тәулік қалды. Сауда бірер сағат қалғанда қызатынын ескерсек, әлдеқайда жоғары бағаға өтуі мүмкін.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Модельдің екінші буыны 1987-1991 жылдары шыққан. Америкада Si спортқа жақын нұсқа саналды. Бірақ аса қуатты түрленім мұхиттан ары аспаған еді. Сол кезде бренд Жапониядағы клиенттеріне VTEC жүйесімен жабдықталған 1.6 литрлік (160 а. к.) B16A моторымен қозғалатын SiR нұсқасын ұсынды. Ол Honda топтамасындағы осы жүйені алған екінші модель болды.