АҚШ-та Кеңес дәуірінде шыққан «Волга» сатылады

Gooding & Company аукцион үйі АҚШ жұрты үшін таңсық машинаны саудаға қойды. Ол — 1976 жылы Горький автозауытынан шыққан ГАЗ-24.

1 / 10

• 
• 
• 
• 
• 
• 
• 
• 
• 
• 

1 / 10

«Волга» Солтүстік Америкаға қашан және қалай барғаны белгісіз, бірақ «КХЕ» сериялы қара кеңестік нөмірге қарағанда седан бұрын Киевте жүрген сияқты.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Фотосуреттен ГАЗ-24-тің сырты да, салоны да жақсы сақталғанын көруге болады. Сатушылар автомобиль түпнұсқа күйінде тұрғанын, қайта жөндеуден өтпегенін айтты.

«Волга» 2.4 литрлік бензинді мотормен жүреді, мұндай қозғалтқыш жаңа кезінде 95 ат күшін береді. Агрегат 4 сатылы механикамен жұмыс істейді. Машина одометрі 54 084 шақырым көрсетіп тұр.

Хабарландыруда жаңа иесі автомобильмен бірге стандарт құжаттар, түпнұсқа жабдықтар және 1978 жылғы жол ережесін бұзу хаттамасын алатыны жазылған.

ГАЗ-24 «Волга» биыл ақпанның аяғында саудаға шығады. Машина 20 000–30 000 долларға (9–13.5 млн теңге) өтеді деген болжам бар.