Hyundai АҚШ пен Канадада жаңа Palisade-тың екі нұсқасының саудасын тоқтатты. Тыйым екінші және үшінші қатардағы креслосы электр жетекті Limited және Calligraphy комплектациясына қатысты. Мұндай шешімге 7 наурыз күні Огайо штатында екі жасар баланың қаза табуы себеп болған деген ақпарат бар. Оқиға жөнінде нақты мәлімет жоқ, қазір тергеу жүріп жатыр.
Болжам бойынша артқы қатардағы орындықты бүктеу жүйесі мен үшінші қатарға бір батырмамен өту функциясынан кемшілік табылған, бұл функциялар жұмыс істегенде кедергіні немесе креслода жолаушы бар-жоғын анықтай алмауы мүмкін.
Компания көлік иелеріне электр жетекті іске қоспас бұрын салонда бала отырағанына немесе орындықта сынғыш заттар қалмағанына көз жеткізуге кеңес берді. Hyundai наурыздың аяғына дейін механизмдерге арналған жаңа бағдарламалық жасақтама дайындауға уәде беріп отыр. Марка оны сервистік кампания аясында орнатып, мәселені уақытша шешеді, бірақ ақаудан қашан толық арылатыны белгісіз
Брендтің есебінше сервистік кампания 68 500 кроссоверді қамтиды, оның ішінде Канадада жүрген 7967 автомобиль бар.
Комментариев: 0